BUTUAN CITY – Giluobong sa Golden State Warriors ang Dallas Mavericks sa 24 puntos, pinaagi sa tabang sa 30-point performance ni NBA superstar Stephen Curry.
Sayrang wala gipaporma sa Warriors ang Dallas diin sa unang quarter pa lang ning bubo na ang koponan og 33 points kontra sa 18 points sa Mavs.
Mas ning saka pa kini taman sa niabot sa 25-point deficit sa pagtapos sa 3rd quarter. Tungod niini, gipapahulay una sa Warriors ang mga superstar niini sa 4th quarter.
Sulod sa 29 minutos nga pagdula, nakapasulod si Curry og 30 puntos ug ning bulsa og pito ka mga assists samtang, 18 puntos usab ang naambag sa bag-ong Warriors forward nga si Jimmy Butler.
Ninghimo usab og career-high nga 13 rebounds ang sophomore nga si Brandin Podziemski, kauban ang 17 puntos sulod sa 30 minutos s iyang pag dula.
Wala usay nahimo ang tandem nila ni Kyrie Irving ug Klay Thompson arun pugngan ang Warriors nga mokamada sa kinatibuk-ang 47 shots gikan sa 98 nga ilang gipangbuhian.
Sa depensa sa Warriors, ninghimo kini og napulo ka steal ug walo ka mga blocks samtang gibantayan ang paint area diin ningkamada ang koponan og 60 points sa ilawom niini.
Bugtong 46 points lamang ang nabulsa sa Mavs sa ilawom niini.
Parehong hawid sa koponan ang 27 ka kapildihan karon nga season ug nag-ilog sa ika-walong pwesto sa Western Conference.
Sunod nga makaatbang sa Warriors ang Charlotte Hornets samtang ang Los Angeles Lakers usba ang makaatbang sa Mavs nga parehong gikatakda karong Pebrero-26.
