BUTUAN CITY – Puno sa kasubo nga gi-angkon ni Jeraldine Blackman, sikat nga personalidad sa social media ang panagbulag nila sa iyang Australyanong bana nga si Josh Blackman.
Sa Instagram post ni Jeraldine kaagahapon Biyernes, emosyunal niyang gibalita ang ilang panagbuwag apan magpabilin matud pa silang maayong managhigala ug mag-co-parenting sa ilang sikat nga mga anak nga sila Jette ug Nimo.
Nagpasalamat siya sa mga misuporta sa ilang pamilya dayong pangayo og dispensa sa wala damhang panghitabo apan wala niini gisaysay ang hinungdan sa ilang panagbulag.
Naila sa mga netizens ang Blackman family isip usa ka family content nga nakabase sa Sydney, Australia, ug misikat sa internet tungod sa ilang mga makalingaw nga content.
Gilangkuban kini nila Australian daddy Josh, si Jeraldine, ug ilang duha ka mga anak nga sila Jette ug Nimo nga bag-uhay lang mibisita sa Pilipinas.
