BUTUAN CITY – Padayon pang gi-ila ang identity sa usa ka babayeng gitu-uhang lider sa rebeldeng New People’s Army kon NPA nga napatay sa engkwentro kaganinang ala-una pasado sa hapon sa bukirang bahin sa Purok 6, Sitio Imelda, Brgy. Antongalon, Butuan City tali sa kasundaluhan.
Kini tungod kay ang maong engkwentro, apa-sumpay man sa natigayong giyera ning niadtong Enero 28 sa kabukiran sa Sitio Dinakpan, Brgy. Los Angeles ning siyudad nga mikalas og duha ka mga rebelde kondiin naka-ikyas matud pa niadtong higayuna si Ka Maria Malaya, kon Myrna Sularte sa tinuod nga kinabuhi, ang lider sa New People’s Army nga dugay nang duna’y patong sa ulo.
Apil sa mga ila sa patay nga lawas sa biktima ang uwat sa walang abaga ug sa paa ug duna usa’y alom sa iyang paa.
