BUTUAN CITY – Na-turn over na sa 29th Infantry ‘Matatag’ Battalion, Philippine Army ilawom sa 901st Infantry (Fight ’em) Brigade, 4th Infantry Diamond Division, ngadto sa kapulisan ning siyudad sa Butuan ang patay’ng lawas sa duha ka mga rebeldeng New People’s Army nga napatay sa engkwentro kagahapon sa bukirang bahin sa Sitio Dinakpan, Brgy. Los Angeles ning siyudad.
Natigayon ang engkwentro tali sa gibana-banang siyam ka mga sakop sa Platoon 1, Sub-Regional Sentro De Grabedad Westland ilawom sa Northeastern Mindanao Regional Committee.
Sa eksklusibong pakighinabi sa Bombo Radyo Butuan, gibutyag ni Lt. Alegre, officer-in-charge sa Civil Military Operations kon CMO sa maong batalyon, nga nakadawat og impormasyon gikan sa mga residente ang ilang mga ka-ubanan kalabot sa ilang extortion activities sa grupo ug dihang girespondihan, nakita sila sa mga sundalo bitbit ang mga high-powered firearms hinungdan sa binakbakay.
Nakuha usab gikan sa encounter site ang duha ka mga high-powered firearms ug mga terrorist documents nga duna’y taas nga intelligence value.
