BUTUAN CITY – Gilimod ni Presidente Ferdinand Marcos Jr. ang alegasyon ni kanhi PNP chief ug kasamtangnang Senator Ronald Dela Rosa nga gisulayan matud pa sa iyahang administrasyon pagdawit ang Senador lakip na si kanhing Presidnete Rodrigo Duterte, Senator Bong Go ug kanhing Criminal Investigation Detection Group chief Lt. Gen. Gerald Caramat nga anaa matud pa sa ilegal nga POGOs sa nasod.
Giklaro sa Presidente ang maong isyu human sa akusasyon ni Sen. Dela Rosa kontra kang Mary Ann Maslog nga usa ka scam suspect nga gisugo matud pa kini sa Palasyo Malacañang para papirmahon si Alice Guo og affidavit nga nagtumbok kanila ni ex-PRRD nga maoy anaa likod sa POGO sa pagdungog sa Senado niadtung Martes, Oktubre 8.
Apan sumala sa Presidente sa interview niini sa sideline sa ASEAN, wala matud pa siya nakaila kang Maslog.
Ang pamahayag ni Presidente Ferdinand Bongbong Marcos Jr. Kahinumdumang nalambigit si Maslog sa 1998 textbook scam diin nabulgar kadugayan nga gipeke niini ang iyahang kamatayon arun makalikay sa kaso, ug karon, gigamit na niini ang pangalang Jessica Francisco.
Apan nabuking kini sa NBI niadtung septembre 25 human nasuta nga usa ra si Maslog ug Francisco pinaagi sa fingerprint matching.
Samtang, sumala ni Dela Rosa nga ilaha pang gitun-an kung duna bay salaod nga angya tubagon ang Philippine National Police Intelligence Group dahil sa pag tugot kang Maslog nga maki alam sa pag surrender ni Alice Guo ug pagtugot nga maka sulod kini sa PNP Custodial Center sa maka duha ka higayon arun maka istorya si Guo.
