14 ka mga bata, na-ospital human mikaon og sobra kahalang nga potato chips

BUTUAN CITY – Landing sa balay-tambalanan ang 14 ka mga bAta sa Japan human nakakaon og grabe kahalang nga potato chips.

Sumala sa report, 40 matud pa ka mga magtutungha ang nagsalo sa R18+ Curry Chips ug 14 kanila ang nakasinati og pagkalipong ug grabeng kasakit sa ba-ba ug tiyan.

Nasayrang gidala matud pa sa usa ka estudyante ang maong chips sa ilang eskwelahan isip kalingawan, kondiin bisan siya, nakurat usab sa kahalang sa maong pagkaon.

Sigon sa website sa maong chips, ginadili sa mga bata nga nag-edad og 18-anyos pa-ubos ang pagkaon niini, ingon man ang mga dunay sakit sa kasingkasing ug duna’y sakit sa tiyan.