BUTUAN CITY – Nagpadala sa ilang mga sundalo ingon man mga rescuers ug hinabang ang Australia ngadto sa Papua New Guinea aron mutabang sa search, rescue and retreival operation alang sa libuang katawhang natabunan sa lapad nga landslides sa Enga Province.
Sa eksklusibong pakighinabi sa Bombo Radyo Butuan, gipadayag ni Bradley Asa, ang Communication and Dissemination Officer sa Papua New Guinea Red Cross Society nga mu-abot sa siete ngadto sa 8-mil ka mga inbibidwal ang apektado sa landslides nga natigayon sa Enga Province apan sa pagkutlo niini nga balita, unom pa lang ka mga patay’ng lawas ang ilang narekober.
Gawas sa paghikling sa mga residente gikan sa dapit nga nahitabuan ngadto na sa luwas nga lugar, nagtunol na usab sila og mga ayuda ingon man psycho-social intervention.
Sa pagkakaron, dakong hagit sa nagpadayon nilang operasyon ang matag-karon ug unya nga pagtay-og sa yuta.
