BUTUAN CITY – Misaka sa ika-55 nga puwesto ang Philippine Women’s Volleyball Team o Alas Pilipinas sa FIVB kon Fédération Internationale de Volleybal world rankings human nga mahimong undefeated sa pool competition sa Asian Volleyball Confederation Challenge Cup for Women.
Niadtong nakalabay nga mga adlaw sa dihang napildi sa Alas Pilipinas ang tanang kaagbat sa pool A sa nasangpit nga tourney nga gilangkuban sa Australia, India, Iran, ug Chinese Taipei.
Tungod niini, gikan sa kanhe ika-63 nga ranggo sa world ranking sa women’s volleyball, mikatkat kini sa ika-55 nga puwesto, samtang nahimong ika-8 usab sa tibook Asya.
Nagpabilin pa gihapong nanguna sa Asya ang kuponan sa China, Japan, ug Thailand nga kasamtangang anaa sa tunga-tunga sa international volleyball competition.
Unyang gabii usab maka-agbat sa Alas Pilipinas ang rank 4 sa Asya nga Kazakhstan para sa do-or-die match diin ang modaug nga kuponan modiretso sa finals sa AVC Challenge Cup for Women.
Ang kasamtangang national team gipangunahan sa team captain-setter nga si Jia De Guzman ug libero nga si Dawn Macandili-Catindig kauban sila Sisi Rondina ug Eya Laure.
Lakip sa mga players nga gikan sa PVL mao sila Cherry Nunag; Dell Palomata; Faith Nisperos; Fifi Sharma; Jennifer Nierva; og Vanessa Gandler samtang ang gikan sa UAAP mao sila Aly Solomon; Angel Canino; Bella Belen; Casiey Dongallo; Julia Coronel; og Thea Gagate.
