BUTUAN CITY – Tumang kalisang ang gibati sa mga empleyado sa usa ka food hub sa iladong hotdog company nga nahimutang sa Langihan Public Market, Brgy. Holy Redeemer ning syudad sa Butuan human kini kini gitulis sa tulo ka mga armadong lalaki kaganinang alas 2:42 ang takna sa hapon.
Naila ang biktimang bantay sa nasangpit nga food hub nga si Marvin A. Lumacang, 31 anyos, single, ug Senior Van Salesman sa Poseidon Seafood ug residente sa P-5A Brgy. Bon-bon, Butuan City.
Gikompirmar ni Police Captain Moises Macalolot, hepe sa Butuan City Police Station 2 ang maong insidente, diin sumala pa niini nga mokabat matud pa sa P320,000 pesos nga cash money ang nadagit sa mga tulisan.
Sumala sa inisyal nga imbestigasyon sa kapulisan, nagpahigayon matud pa og auditing sa ilang daily sales si. Lumacang, dihang Kalit lang matud pa nidool ang usa sa mga suspek nga naghelmet og kolor itom ug gitutokan kini og wala pa masuta nga mubo nga armas dayon nideklarar nga tulis, dayon dayon sibat sa wala na matinong direksyon human na kuha ang maong kantidad.
Alayon niini, gisubay pa sa kapulisan ang mga nakasaksi sa maong insidente lakip na ang footage sa mga naka-instalar nga CCTV sa lugar kung ugaling aduna man alang sa dugang pa nilang imbistigasyon.
