BUTUAN CITY – Gideklara sa palasyo sa Malakanyang nga half-day lang ang trabaho sa mga empleyado sa gobyerno ugmang adlawa, Miyerkules Santo, Marso 27 gikan sa alas-dose sa udto.
Kini base na sa gipagawas nga Memorandum Circular No. 45 sa Office of the President nga gipirmahan ni Executive Secretary Lucas Bersamin.
Sigon sa Presidential Communications Office kon PCO, tumong niini nga mapasayo ang pagpangandam alang sa hapsay nga pagbalaan sa Semana Santa ilabina sugod sa Huwebes Santo, Biyernes Santo, Sabado de Gloria ug sa Dominggo sa Pagkabanhaw.
Pinaagi niini, mahatagan sila og dakong kahigayunan nga makabiyahe sa tagsa-tagsa nila ka mga probinsya.
Samtang alang sa mga pribadong kompanya, gitugyan na sa palasyo ngadto sa mga employers ang pagdeklara sa suspensyon sa trabaho.
Gila-uman na usab sa mga otoridad ang pagdasok sa mga pasahero diha sa mga pantalanan, tugpahanan ug mga terminals aron mupa-uli sa ilang tagsa-tagsa ka mga probinsya
