BUTUAN CITY – Dose oras nga mawad-an og sugang dagitabnon ang pipila ka bahin ning siyudad sa Butuan lalawigan sa Agusan del Sur karong Sabado, Septembre 30 tungod sa himuong sa National Grid Corporation of the Philippines kon NGCP sa Butuan-Bayugan 69-KV line.
Sa eksklusibong pakighinabi sa Bombo Radyo Butuan, gibutyag ni Kristopher Abellanosa, ang tigpamaba sa NGCP-Caraga, magsugod kini sa alas-sais sa buntag ngadto na sa alas-sais sa gabii sa mga lugar nga giserbisyuhan sa Dumayocdoc sub-station sa Agusan del Norte Electric Cooperative Inc. kon ANECO.
Apil usab niini ang pipila ka mga lugar nga giserbisyuhan sa Butuan-Bayugan 69-KV line sa Agusan del Sur nga giserbisyuhan sa Agusan del Sur Electric Cooperative kon ASELCO.
Tumong niini nga dili na magproblema pa ang linya sa kuryente karong umalabot nga Barangay ug Sangguniang Kabataan Elections sa Oktubre 30.
