BUTUAN CITY – Gideklara nang New People’s Army kon NPA-free ang lungsod sa Sison, Surigao del Norte human misurender ang kanhi kumander sa operasyon sa New People’s Army kon NPA ka-uban ang iyang upat ka mga myembro.
Sigon sa 901st Infantry Brigade ug 30th Infantry Battalion, Philippine Army, gi-turn over na nila sa gihimong 3rd Quarter Municipal Peace and Order Council Meeting sa lokal nga kagamhanan sa Sison ang mga nanurender pagpanguna ni kanhi kumander alyas Ka Lucas kansa gitambungan ni Surigao del Norte Governor Robert Lyndon Barbers.
Aminado si Ka Lucas nga sila ang pinaka-ulahing mikanaog sa bukid nga ilang gikutaan dayong angkon nga sila usab ang nagpaluyo sa kagubot sa maong lungsod niadtong mi-aging eleksyon.
Nakadawat ang matag-usa kanila og tag-₱30,000 nga ayuda alang sa livelihood program gikan sa lokal nga panggamhanan samtang misaad usab ang Provincial Government nga pa-eskwelahon ang duha kanila.
