BUTUAN CITY – Hingpit nang naturn-over ngadto sa lima ka mga barangay sa lungsod sa Bacuag, Surigao Del Norte ang mga proyekto ilalum sa Local Government Support Fund-Barangay Development Program ug mga proyekto ilalum sa Provincial Government sa Surigao del Norte nga mikantidad og 66.5 milyones pesos.
Gilangkuban ang maong mga proyekto sa Farm to Market Road sa Sitio Talimugsayan sa Brgy Cambuayon,Farm to Market Road usab sa Sitio Pang-pang sa Barangay Dugsangon, Farm to Market Road sa Campo Langit, Installation sa Solar Street Lights ug Rehabilitation Improvement sa Level II Portable Water System sa Brgy Payapag, Bacuag, Surigao del Norte. Apil usab sa gi inagurahan ang mga proyekto sa probinsyal nga kagamhanan sa Surigao del Norte ang Concreting sa Local Access Road sa Barangay Pautao, Rehab/Improvement sa Campo Multi-Purpose Building ug Rehab/Improvement sa Sitio Looc, Barangay Dugsangon Multi-Purpose Building.
Sa nahimong pamahayag ni Gobernador Robert Lyndon Barbers, gipaningkamutan nilang mahatagan ug daku nga pagtagad ang nasangpit nga lungsod human nakita ang panginahanglanon sa katawhan pinaagi sa pagbo-bo og mga proyekto.
Samtang sa kabahinan usab si Brigadier GEN GEORGE L BANZON Brigade Commander sa 901st Brigade nahimo nga mag malampuson ang maong mga proyekto tungod kay wala nay nag sinamok nga mga terroristang NPA human usab kini hingpit nga napukan.
