BUTUAN CITY – Malampusong nakuha sa mga tropa sa 29th Infantry Battalion, Philippine Army ang gilubong nga mga tag-as nga kalibre sa armas og mga bala nga gipanag-iyahan sa New People’s Army kon NPA sa may Sitio Sikreto, Brgy. Cuyago, Jabonga, Agusan del Norte.
Kini human usab gitudlo ang gilubngan niini sa tulo ka mga rebelde nga misurender sa tropa sa unang adlaw sa tuig 2023.
Sigon ni Lt. Jake Bryce Buñi, tigpamaba sa 29th IB Philippine Army nga niadtong Enero 1 sa dihang misurender sa tropa nga anaa sa Brgy. Comagascas, Cabadbaran City, Agusan del Norte ang tulo ka mga rebelde nga nailang sila Maximo Vibas Sr. Alyas “Joey” ang Squad Leader nga tulo ka tuig nas kalihukan; ang iyang live-in partner nga si Jennifer Gagbo alyas “Angel”, squad medic o political guide kansa 7 ka tuig na sa bukid ug usa ka Nelboy Yubos alyas “DJ” parehong miyembro sa Sentro de Grabidad 16, Guerilla Front 16, Northeastern Mindanao Regional Committee.
Lakip sa ilang gisurender ang 5.56mm Magpul rifle dayung tudlo sa gilubngan sa mga armas.
Kagahapong adlawa sa dihang gihimo ang pagrekober sa mga armas og malampusong nakuha ang 5 ka mga M16 rifle, usa ka M4 rifle, usa ka M205 grenade launcher, duha ka magasin, ug usa ka generator set.
Sumala pa ni Lt. Buñi nga mitahan ang nasangpit nga mga rebelde tungod sa kamingaw matud pa sa ilang pamilya og ang kagutom human dili na maka-abot ang ilang suplay tungod sa gimontar nga forward operating detachment sa bukid.
Padayon ang pagpangetag pamaagi sa tropa sa 29th Infantry Batallion aron ma-agni ang nahabiling 10 ka miyembro sa Sentro de Grabidad 16 nga musurender na.
Sumala sa opisyal nga daghan na ang makatestimonya sa mga benipisyo nga nadawat sa mga nagsurender nga mga rebelde diin nakapahimulos sa housing nga gitukod sa Barangay Del Pilar, Cabadbaran City og livelihood assistance. Ang tulo ka mga nagsurender tabangan aron ma-enroll sa Enhanced Comprehensive Local Intergration Program kon E-CLIP.
