BUTUAN CITY – Padayon pang gi-ila ang identity sa usa ka rebeldeng New People’s Army kon NPA nga napatay sa engwkentro sa Sitio Tacub, Brgy. Rizal, Buenavista, Agusan del Norte ning mi-aging alas-10:25 sa gabii.
Base sa report gikan sa Buenavista Municipal Police Station, nasuta nga naglusad og military operation ang mga sakop sa 23rd Infantry Battalion, Philippine Army sa maong lugar dihang ilang na-engkwentro ang gibana-banang lima ka mga rebeldeng NPA nga membro sa Platoon Sagay, SRSDG3, Southern Regional Committee 3 sa North Central Mindanao Regional Committee.
Milungtad og 10-minutos ang engkwentro kondiin sa pagsibat sa mga rebelde, didto na napalgan ang patay’ng lawas sa gibiyaan nilang ka-uban.
Narekober usab sa crime scene ang tag-napulo ka pack sa ammonium nitrate, blasting caps, ugusa ka carbine rifle.
Naglusad gilayon og checkpoints ang kapulisan sa kasikbit nga mga lungsod samtangang mga intelligence operatives, nakig-alayon na sa ilang mga counterparts sa kasundaluhan aron pagkuha sa mga mahinungdanon pang impormasyon kalabot sa maong insidente.
