BUTUAN CITY – Padayon pa ang gihimong consolidation sa mga school officials ning rehiyon sa Caraga aron masayran kung pila ka mga lamisa ug lingkuranan ingon man mga lawak-tunghaan ug mga magtutudlo ang kulang sa entiro rehiyon karong nahuman na ang unang emana klase alang sa school yar 2022-2023.
Sa eksklusibong pakighinabi sa Bombo Radyo Butuan, gipadayag ni DepEd-Caraga spokesperson Pedro Tecson nga hapsay sa kinatibuk-an ang unang semana sa klase human nga wala sila’y nadawat nga untoward incidents ug mga negative reports gikan sa nagkada-iyang mga schools divisions sugod sa unang adlaw sa klase niadtong Lunes Agusto 22 hangtud sa pagkutlo niini nga balita.
Sigon ni Tecson, naghulat pa ang ilang buhatan og mga updated reports gawas sa initial reports nga ila nang nahuptan sama sa mga naguba nga eskwelahan ilabina kadtong na-igo sa bagyong Odette.
Posible matud pa nga sa sunod semana, duna na sila’y kompletong datus kalabot niini sa ingon ila gilayong mapa-aksyunan uban sa pag-abag sa ilang sentrong buhatan.
Hinuon malipayong gitaho sa opisyal nga duna na’y mga tunghaan nga kompleto na ang ilang mga pasilidad sama sa Trento National High School sa Trento, Agusan del Sur ingon man sa Taft national High School sa Brgy. Taft Surigao City.
Kini pamatuod lang sa mga mixed status sa mga tunghaan sa entiro rehiyon.
