BUTUAN CITY – Ang pagka-determinado ug pagbaton og taas nga pangandoy sa kinabuhi, maoy gitumbok sa amahan ni Philippine Military Academy Cadet 1st Class Elvin John Oyo-a nga hinungdan nga mitapos kining 8th placer sa mga grduates sa PMA ‘Bagong Sibol sa Kinabukasan Didigma Hanggang sa Wakas’ kon BAGSIK DIWA Class of 2022.
Kini ang gipadayag ni Eleuterio ‘Boboy’ Oyo-a, amahan sa maong kadete sa eksklusibong pakighinabi sa Bombo Radyo Butuan sa mismo nilang pinuy-anan sa Brgy. Banza ning siyudad.
Sigon ni Boy, wala gani sila mahibalo nga mi-take na diay og PMA entrance exam ang iyang anak sa Agusan High.
Mi-abot na sa punto nga kinahanglan nang mu-adto sa kauluhan si Elvin John alang sa mga physical exam nga iyang napasaran hangtud nga nakasulod na kini sa akademya.
Aminado ang amahan nga dakong garbo alang sa ilang pamilya ang iyang anak ilabina nga sulod pa kini sa Top 10 sa iyang pag-graduate kagahapong adlawa.
Eleuterio Boboy Oyo-a
