BUTUAN CITY – Narekober sa tropa sa kagamhanan ang patay’ng lawas sa gitu-uhang rebeldeng New People’s Army kon NPA uban sa 3 ka mga AK47 rifles.
Kini human ang engkwentro kaganinang alas-3:30 sa kaadlawon sa bukirang bahin sa Brgy. Macalang, Buenavista, Agusan del Norte.
Sa asuy ni JC Solomon, tigpamaba sa National Intelligence Coordinating Agency kon NICA-Caraga, nagpahigayon og combat operations ang mga sakop sa usa ka platoon sa 29th Infantry Brigade, Philippine Army pagpanguna ni Captain Opcon Ventura dihang ilang na-engkwentro ang gibana-banang 20 ka mga rebeldeng NPA nga mga sakop sa Platoon Sagay, SRSDG3, SRC3, NCMRC.
Milungtad pa og 20-minutos ang engkwentro adiser nanibat sa wala pa matinong direksyon ang mga rebelde.
Wala’y casualty sa panig sa gobyerno.
