BUTUAN CITY- Misaka na sa 9 ang namatay ug gatusan ang naigo sa dehydration ug diarrhea sa lugar sa Caraga Region particular sa Dinagat islands ug kasikbit nga lugar sa isla sa Siargao human ang pag-igo sa super typhoon Odette.
Sumala sa datos sa Deparmtent of Health (DOH)- Caraga, nagpasaka kini sa health crisis nga mugna sa kakulangon sa hinlong tubig-mainom sa mga apektadong lugar.
Tungod niini, tutukan sa ahensya ang pagbutang og emergency water treatment facilities sa mga apektadong lugar.
Una nang gitaho sa Provincial Health Office sa Dinagat Islands province nga wala na’y acute gastroenteritis outbreak sa ilang lalawigan tungod sa steady nga supply sa limpyong tubig-ma-inom.
Sa ulahi nilang listahan, us ang nadugang nga namatay tungod sa maong sakit nga gikan sa Brgy. Roma sa lungsod sa Basilisa sa Dinagat islands ug kagahapon, nadugangn na usab og 16 ka mga kaso gikan sa maong lungsod nga karon atua na sa ospital.
