BUTUAN CITY – Gitaho ni Surigao del Sur Gov. Alexander ‘Ayek’ Pimentel nga tulo ka mga sibilyan ang patay sa pagpamanhig sa mga membro sa rebeldeng grupong New People’s Army (NPA) sa militar nga mitabang sa paghikling sa katawhan sa Surigao tungod sa bagyong Odette.
Dismayado ang gobernador tungod kay sa ingon unta niini nga panahon, dapat magkahi-usa ang tanan pagluwas sa mga residenteng anaa sa mga flashflood ug landslide-prone areas ug dili magpinatyanay.
Mihangyo si Gov. PImentel sa mga rebeldeng NPA nga ihunong una ang pagsabwag og kagubot ingon man pag-target sa mga pulis ug militar nga mitabang sa mga evacuation centers aron mahimong hapsay ang paghikling sa mga tawo.
Gikondena gilayon ni Interior Usec. Jonathan Malaya ang maong insidente.
Alayon niini, nanawagan si Malaya sa mga komunistang terorista nga unahon ang nasud adiser ang ilang kaugalingong interest karong duna’y bagyong gi-atubang ang katawhang Filipino.
