BUTUAN CITY – Malampusong na-facilitate sa 402nd Infantry Brigade ug sa Military Intelligence unit ang pagtahan nila Armando Rabanes alias Omar Ibarra, Ka Antoy og Ka Dagat, ang Deputy Secretary/Finance Officer/ Political Officer/ Spokesperson sa Sub-Regional Committee 3 (SRC3) kinsa 2nd Political Officer sa North Central Mindanao Regional Committee (NCMRC).
Uban sa iyang pagtahan si Marvin Hinampas Campos alias Manoy, ang Squad Leader sa Squad 1, Platoon Sagay, SRC3 sa NCMRC.
Si Ravanes nalista sa 4th ID isip usa ka high value individual nga duna’y kutay kang Ka Oris samtang si Campos, kabahin sa CNT group nga misuporta kang Ravanes.
Ilang gitahan ang usa ka M16 Rifle ug usa ka AK47 Rifle.
Ang duha ka mga Communist Terrorist Group kon CTG leaders, mitahan sa ilang kaugalingon ngadto sa kasundaluhan sa may Brgy. Bancasi ning siyudad sa Butuan bitbit ang duha ka mga high powered firearms.
Kini human gipakusgan sa 4th Infantry (Diamond) Division ang ilang military operations sa Caraga region nga miresulta sa pagkakumpiska sa duha ka mga high-powered firearms atol sa engkwentro kagahapong adlawa didto sa Barangay Rizal, Buenavista, Agusan del Norte.
