BUTUAN CITY- Mi-surrender sa militar ang duha ka meimbro sa komunistang grupo nga New People’s Army sa Surigao del Sur ning nakalabay nga adlaw.
Naila ang mga mitahang rebelde nga sila Raniel Engayas Belandres, alyas Darren, 20 anyos residente sa Sitio Panukmuan, Brgy. Diatagon, Lianga ug Warren Wagdos Acebedo, alyas Cassey, 18 anyos residendte sa Sitio Neptune, Brgy. Diatagon, Lianga Surigao del Sur.
Bulountaryong mi-surrender ang mga niini sa 9th Special Forces Company sa 3rd Special Forces (Arrowhead) Battalion sa Brgy. St. Christine, lungsod sa Liang, sa maong lalawigan diin bitbit ni Belandres ang iyang improvised M79 nga armas.
Sumala sa mga niini, tungod sa kagutom .kakapoy ug walay tulog human na usab sa gipakusog nga military operation sa tropa rasong naka-desididar na silang mutahan sa gobyerno. Sakop ang mga mga mitahan rebelde sa Squad 1 ug Squad 2 sa Sub-Regional Sentro de Grabidad Southland (SRSDG SL), Northeastern Mindanao Regional Committee (NEMRC).
Gidugang sa mga niini, gi-recruit sila ug gipasailigan og mga bakak sa usa ka Anmat Untua alyas Chad nga sakop lang usab sa susamang communist terrorist group.
Madumduman nga niadtong June 14, 2021, usa ka menor-de-edad, kinsa na-rescue atol sa engkwentro encounter, ang nagbutayag nga si Anmat Untua usab ang nagpugos kaniya nga ma-sampa sa armadong grupo.
Anaa na karon sa kustodiya sa 3rd Special Force Battalion ang mga mi-surrender arong ipailalom sa debriefing ug aron ma-enroll sa Enhanced Comprehensive Local Integrated Program kon (ECLIP).
Padayong giawhag ni Lt. Col. Benedict Harvey L Gernale, Commanding Officer sa 3rd Special Forces (Arrowhead) Battalion ang mga nabilin pang meimbro sa NPA nga mubalik sabakan na sa gobyerno ug ma-avail sa mga programa ug serbeisyo nga gihanyag sa gobyerno.
