BUTUAN CITY – Hangtud karon, dili makatuo si Michelle Angela Okol, representante sa Siargao Island sa Miss Universe Philippine 2021, nga makasulod siya sa Top 30 sa maong pageant kansa gikalipay niya og maayo uban sa iyang team tungod kay ila man kining gihaguan.
Sa eksklusibong pakighinabi sa Bombo Radyo Butuan, gipadayag sa pambato sa Siargao Island ug dinhi sa Caraga Region nga padayon ang iyang training karon sa ila lang panimalay tungod kay naka-MECQ man ang Metro Manila sa kasamtangan.
Saysay pa niini, gamay pa lang siya, gusto na niyang musalmot niini pageant hangtud nga nahatagan siya og higayon karong tuiga rason nga iya gilayon kining gibira.
Aminado siyang kini pa lang ang unang national pageant nga iyang gi-apilan tungod kay diha lang siya kutob sa mga tunghaan ug apil sa iyang gi-apilan ang mga debate contests.
Sa pagsugod pa lang sa training, naglisod na sila sa iyang team tungod sa mga restrictions nga hatud sa COVID-29 pandemic hangtud nga na-anad na sila. Preparado na usab siya sa mismong coronation night tungod kay kada-adlaw siyang nag-train ilabina sa question and answer portion nga maoy weakness sa kadaghanang mga kadidata.
Tambag niini sa mga dalagang gusto usab nga makasulod sa prestihiyusong pageant nga ipadayon ang ilang pangandoy uban sa dakong kumpyansa sa kaugalingon .
Sama matud pa kaniya kinsa ma-ulawon niadtong bata pa rason nga kutob lang siya sa pagtan-aw hangtud nga inanay na niyang gi-develop ang pagsalig sa iyang kaugalingon nga kaya niyang kab-uton ang iyang damgo rason nga naka-abot siya karon sa iyang na-abtan.
