BUTUAN CITY- Malampuson na nga napintalan ang pipila sa mga orange tricycle ning syudad nga nagpa convert sa gusto nila nga ruta kansa mao ang kolor Red, Yellow, White, Green ug motorela.
Tungod niini mamahimo na nga makapamasahero sugod karung Hulyo 8 ang usa ka orange tricycle nga human nang napintalan sa napili niini nga ruta human ihatag kanila ang Mayor’s Tricycle Operators Permit (MTOP) sa ilang giaplayang ruta.
Kini human nga giaprubahan ang ilang gisubmitar nga application form ug original copy sa 2021 nga motorized tricycle operator’s permit.
Ang maong mga trcicycle pipila lang sa daghan nga nag apply nga magpa convert human nakita sa ubay-ubay ka mga drivers ug operators ang benipisyo sa conversion.
Hinugdan nga nanawagan ang buhatan sa Business Permit and Licensing Division kon BPLD nga mamahimo lamang muadto sa ilang buhatan o sa Guingona Park aron masabtan ang mga benepisyo, rekisitos ug proseso sa pag-apply sa bag-ong rekomendasyon.
