BUTUAN CITY – Pito ka mga high-powered firearms ang narekober sa mga tropa sa 26th Infantry ‘Ever Onward’ Battalion ubos sa operational control sa 403rd Infantry (Peacemaker) Brigade, 4th Infantry (Diamond) Division, Philippine Army atol sa engkwentro sa hilit nga bahin sa Sitio Kimambukadyang Brgy. Binicalan, San Luis, Agusan del Sur, ning nakalabay’ng adlaw.
Una nang nakadawat og report ang tropa sa gobyerno nga adunay mga armadong grupo nga nasigpatang nagkampo sa maong lugar nga gilangkuban sa gibana-banang 16 ka mga Communist NPA Terrorist (CNT) kinsa mga miembro sa gihi-usang elemento sa Sub-Region SDG Banglas ug sa Guerilla Front (GF) 88 sa North Central Mindanao Regional Committee (NCMRC) resulta sa gilusad nga military strike operation.
Sumala ni Lt. Col. Reynald Romel Goce, commanding officer of 26IB, milungtad og 20-minutos ang maong binakbakay nga miresulta sa pakagrekober sa pito ka high-powered firearms nga gilangkuban sa usa ka AK47 rifle, 3 ka M16 rifle, 2 ka M653 carbine ug usa ka Garand rifle gawas pa sa Baofeng commercial radio, cellular phone, bandoleers, backpacks, hammock, card reader, solar panel, mga bala, mga subersibong dokumento ug mga personal nga kabtangan.
Adunay usay tunga sa sakong bugas, mga kape ug ubang food supplies ang narekober atol sa pagsusi sa encounter area.
