BUTUAN CITY- Padayon pang gipakisayran sa mga ototridad ilabina ang hingtungdang pamilya sa biktima kung unsa ang hinungdan sa paghikog niini diha mismo sa kwartong iyang gitulugan kinsa nakit-an na lang nga nagbitay pasado alas-8 kaganinang buntag gamit ang pisi sa duyan.
Naila ang biktimang si Valdavid Durias, 21 anyos og usa ka Grade 12 student ug lumulupyo sa P5-A Bargy. Tagabaca ning syudad.
Sumala ni Gerson Tantuan Luzon, nagluto siya sa ubos nga bahin apan milabay na lang ang pipila ka oras, wala pa mikanaog ang batan-on hinungdan nga iya kining gisusi ug dinhi na niya nakita nga nagbitay na kini ug wala na’y kinabuhi.
Samtang sa eksklusibong pakigsusi sa Bombo Radyo Butuan ngadto mismo sa inahan usab sa biktima nga si Rowena Durias, gibutyag niini nga wala sila masayud kung unsa ang problema sa iyang anak tungod kay maayo man kini og dili usab kini perming maglaagan.
Sa karun sub-sob ang gihimong imbestigasyon sa mga otoridad aron masusi kung unsa ang hinugdan sa paghikog niini.
