BUTUAN CITY- Sa padayong pagsaka sa covid-19 cases ning rehiyon miabot na sa kinatibuk-an nga 14,205 ang mga kumpirmadong kaso kondiin 2,740 pa ang naka isolate human nga 11,029 ang mga nakarekober na ug 436 na ang patay.
Samtang karung adlawa gikan sa kinatibuk-ang ihap, mitala na usab og 212 ka mga kaso ang Caraga Region kondiin 210 sa mga niini ang naka-isolate ingon man 128 na ang nakarekober apan dunay nadugang nga 3 ka patay sa virus.
Sa maong ihap, nag una ang dakbayan sa Butuan nga miabot sa 60 ka mga kaso,gisundan dayon kini sa 46 ka mga kaso sa probinsya sa Dinagat Island; 27 sa Surigao del Sur;20 sa Agusan del Sur,; 19 sa Surigao City ug 17 sa Bayugan City.
Mitala usab og 11 ka mga kaso ang Agusan del Norte; 6 sa Bislig City; 5 sa Surigao del Norte ug 1 sa Cabadbaran City partikular sa Poblacion 9.
