BUTUAN CITY – Nahatud na ngadto sa katapusang pahulayanan ang 22-anyos nga rebeldeng New People’s Army nga si Jevilyn Cullamat kaganinang hapon didto sa minteryo sa Brgy. Diatagon, lungsod sa Lianga, Surigao del Sur.
Sa eksklusibong pakighinabi sa Bombo Radyo Butuan, gipadayag ni 1Lt Krisjuper Punzalan sa 3rd Special Force ‘Arrowhead’ Battalion, Philippine Army, pasado alas-2:30pkaganinang hapon ginaog ang patay’ng lawas niini gikan sa ilang panimalay lahos na sa simbahan ug ngadto na sa ilang sam-ang.
Sigon sa tigpamaba sa pamilya Cullamat pinaagi ni Jezreen kinsa igsoon sa namatay, daghang mga negatibong impormasyong gipa-abot kanila batuk sa kasundaluhan aron dauton ang militar apan mas gipalabi nila ang ilang nakitang pag-abag sa kasundaluhan kanila ilabina nga una na nilang nasaksihan nga gibiyaan lang sa nanibat nga ka-ubanan ang iyang manghod nga wala na’y kinabuhi ug ang kasundaluhan na ang nagnaog sa patay’ng lawas niini.
Dako ang pagpasalamat sa pamilya Cullamat ngadto sa pwersa sa kasundaluhan apil na sa 401st Brigade, Philippine Army sa tabang nga gitunol ngadto sa ilang pamilya gikan sa pagkanaog sa patay’ng lawas niini gikan sa encounter site sa kabukiran sa Marihatag, Surigao del Sur ngadto na sa iyang paghaya hangtud na sa paglubong.
