BUTUAN CITY – Nakumpiska sa tropa sa 23rd Infantry (Masigasig) Battalion, Philippine Army ang liboang mga bala nga nakatago sa kampo nga gi-abandona sa mga miyembro sa Communist New People’s Army Terrorist sa kalasangang bahin sa Sitio Palo, Barangay Nong-nong, Butuan City kagahapon sa buntag.
Human sa taho nga gihatag sa mga nagpakabanang sibilyan mahitungod sa aktibidad sa NPA og lokasyon sa ilang hideout sa lugar, ang tropa sa 23rd IB gelayong naglusad og combat operation nga miresulta sa pagkadiskbre og pagkakumpiska sa cache sa mga bala. Ang gi-abandonang kampo gibana-banang mo-akomodar sa 10 ka mga tawo.
Narekober sa maong lugar ang 1,200 ka buhing bala sa Carbine rifle, 390 ka bala sa Garand rifle, og usa ka long magazine sa M16 rifle.
Mipadayag sa iyang pagpasalamat si Lt. Col. Julius Cesar C. Paulo, ang Acting Commander sa 23rd IB sa mga nagpakabanang sibilyan nga naghatag og positibong impormasyon sa kasundaluhan mahitungod sa kalaban sa gobyerno.
Dugang pa sa opisyal nga tungod sa kooperasyon og aktibong partisipasyon sa mga sibilyan, nakahimo ang sundalo sa pagka-diskubre sa laong kampo sa mga rebelde nag dunay nakatagong mga bala sa tag-as nga kalibre sa armas.
Gibarahan usab niini ang mga nahabiling miyembro sa NPA nga padayong nagbuhat og teroristang aktibidad sama sa pagpangikil og kwarta lakip na pagkaon sa mga kabus nga residente kansa pipila ka bulan nang nag-antos tungod sa epekto sa pandemya.
