BUTUAN CITY – Sugdan na ugmang adlawa, Huwebes, Setyembre 3, ang bag-ong patakaran nga gipatuman sa local nga kagamhanan sa lungsod sa Buenavista, Agusan Del Norte diin ang tanang muagi sa mga checkpoints nga nakamontar sa may Barangay Abila nog Simbalan pangetaan na og Medical Certificate o Clearance nga balido sa pito ka adlaw.
Kini subay sa bag-ong Executive Order No.55, Series of 2020 nga dunay petsang Setyembre 2, 2020. Gipahibalo nalang niini sa mga taga Buenavista nga magkuha ug Medical Certificate, diin ang balayronon muabot sa 75 pesos.
Sa mga trabahante, ang ihatag kanila nga medical certificate balido sa tulo ka bulan samtang sa mnga dili trabahante, isyuhan og certificate nga balido sa usa ka bulan. Ang mga Fronliners usab nga dunay Frontliner Pass LIBRE na sa bayad.
Lukaton ang medical Certificate sa Municipal Treasurer’s Office ug Rural Health Unit sa Buenavista, nga abli na matag ADLAW aron mo serbisyo lakip na sa SABADO UG DOMINGO , sa alas 8:00 sa buntag ngadto sa alas 5:00 sa hapon.
Kini nga kamandu-an gihimo aron mapugngan ang paspas nga LOCAL TRANSMISSION sa COVID-19 sa mga silingang lugar.
