BUTUAN CITY – Giklaro ni Brenda Corvera, Provincial director sa Department of Trade and Industry kon DTI-Agusan Del Norte nga dunay skeletal force ang buhatan nga maoy modawat sa mga kliyente ugmang adlawa. Samtang ang ubang empleyado nagpahigayon sa work-from home.
Pasabot pa ni Corvera gisugdan nila ang pag-dis-infect sa ilang buhatan kagahapon pa apan na-undang kini tungod na usab sa kagamitan og daghan pang buluhaton.
Kini ang rason nga karung adlawa gisira ang ahensiya aron ipadayon ang pag-dis-infect.
Kini ilabina kay gipaabot pa nila ang resulta sa swab testing sa ilang duha ka empleyado nga nagpositibo sa rapid testing.
Sigon pa ni Corvera nga nagpositibo ang amahan sa ilang empleyado rasong gipa-home quarantine na nilang daan ang ilang duha ka trabahante nga maoy dunay close contact sa nakalabay pa nga semana.
Kaganinang buntag pa sa dihang napahigayon ang rapid testing og migawas nga sila positibo. Hinoon maayu man ang ilang kahimtang samtang gipadayon ang home quarantine.
Dunay gipahigayon na usab nga contact tracing sa mga nakahimamat sa mga nagpositibo sa rapid test nga mga empleyado.
