BUTUAN CITY – Nagpaabot og dakong pagpasalamat sa Bombo radyo ang mga Returning Overseas Filipinos kon ROFs human gihatagan og aksiyun sa lokal nga kagamhanan sa siyudad sa Butuan ang ilang panginahanglanon samtang naka-quarantine sa may Butuan City Senior High School – Stand Alone sa Barangay Taguibo ning dakbayan.
Nasayran nga kagahapon sa buntag sa dihang gireklamo nila ang dili andam nga pasilidad nga nagpasamot sa ilang stress tungod sa kahugaw niini.
Sumala sa mensaheng gipaabot ning sibyahan, dako matud pang tabang ang gihimong aksiyun sa Bombo Radyo Butuan sa ilang mga yangu-ngu diin pagkahapon dunay miabot nga duha ka truck nga dunay kargang mga katre nga duna nay mga brand new nga mga foams, unlan, og habol Samtang duna pay mga gamit sa CR og sabon panglaba.
Lakip na usab niini ang pagatubang sa usa ka konsehal nga maoy naminaw sa ilang mga yangu-ngu.
Sa katapusan sa iyang pasalamat, nalitok pa niini ang linyang Mabuhay ang Bombo Radyo.
