BUTUAN CITY – Nagkahi-usa ang mga barangay officials apil na ang mga opisyal sa lungsod sa Esperanza, Agusan del Sur pagbulgar sa koneksyon sa Nagkahiusang Mag-uuma sa Agusan del Sur kon NAMASUR ngadto sa communist terrorist group.
Atol kini sa gilusad nilang information drive ug film showing kalabot sa insurhensikya ngadto sa mga Barangay Local Government Units nga gipahigayon sa Municipal Gymnasium sa Brgy Poblacion, sa maong lungsod.
Uban sa pakig-alayon sa 41st Civil Military Operations Company ug sa 26th Infantry (Ever Onward) Battalion ng parehong ubos sa operational control sa 402nd Infantry (Stingers) Brigade, ang lokal nga kagamhanan sa Esperanza pagpanguna ni Mayor Leonida Manpatilan ug tanang membro sa Sangguniang Bayan nga gipangunahan ni Vice Mayor Eric Garica Siohan maoy mag-initiate sa nasangpit nga lakang.
Suportado usab kini sa mga IP leaders pagpanguna ni IPMR Datu Carlos “Balobagyo” Otacan kansa gitambungan sa mga opisyal sa 47 ka mga barangay kansa gilangkuban sa mga barangay kapitan, Peace and Order Council Committee Chairman ug sa IPMR sa ingon mahatagan og kagawasan ang mga barangays gikan sa nasangpit nga grupo ug sa mga ka-alyado niining walhong mga organisasyon nga maoy mikontrola ug naghatag og impluwensya sa mga residente sa nasangpit nga lugar.
Dose sa 47 ka mga barangay kapitan sa maong lungsod ang nagbulgar sa presensya sa NAMASUR sa ilang mga barangays human gihisgutan ni Maj Jerson Igloria, Executive Officer sa 4th CMO Battalion ang Anti-Terrorism Law nga gipirmahan ni Pangulong Rodrigo Roa Duterte apil na ang koneksyon sa legal fronts niini ngadto sa mga teroristang grupo diha sa mga barangays apil na ang presensya sa mga rebelde sa kabukiran ngadto sa gitawag nilang White ug Red Area.
