BUTUAN CITY– Gikasakit ni Jose Evalegous Lawenko, chairperson sa Diamond Transport Service Cooperative kon DATSCO ang pagdakop sa duha nila ka unit duha sa sentrong bahin ning siyudad sa mga sakop sa LTFRB sa nakalabay nga gabii.
Nasayran nga naka-impound karun ang duha ka unit sa Datsco diin gi-isyuhan kini og ticket nga out-of-line rasong nakonsidera kini nga kolurom.
Pasabot pa ni Lawenko nga andam silang musunod sa unsay patakaran sa buhatan basta giyahan lang sila, dili susama sa nahitabo karun nga wala man lang sila nagpadala og pahibalo kanila nga bawal sila sa may pribadong unibersidad.
Apan giklaro ni Lawenko nga base sa gihatag kanila nga special permit, magbiyahe ang ilang unit sa 26 kilometros kon gikan sa Nasipit to Butuan City. Andam matud pa sila nga mobayad sa penalidad basta kini klarong ilang kasaypanan sama sa pagbayad nila sa multa nga 5-mil pesos human nasakpan ang ilang drayber nga wala gisoot ang facemask.
Tungod sa maong panghitabo nisamot matud pa kalisud sa karun ang kooperatiba ilabina kay 100-mil pesos ang gikinahanglan aron makuha ang na-impound nga duha ka units.
Sumala pa ni Lawenko nga naglisud nang daan sila tungod sa epekto sa Covid-19 dayung hangyu nga sila tabangan nga molambo pinaagi sa pagsuperbisa ilabina kay ang modernisasyon sa pampasaherong sakyanan ilang programa.
Samtang gelayong gitubag ni Ma. Kristina Cassion, OIC Regional Director sa LTFRB-Caraga ang nasangpit nga isyu.
Sumala pa ni Cassion sa pakighinabi ning sibyahan, adiser pa ang pagdakop kagabii gipahimangnoan na nila ang kooperatiba tungod sa daghang reklamo nga ilang nadawat gawas pa paglapas nila sa ilang rota.
Pagbutyag pa sa opisyal nga ang ilan unit gikan sa Nasipit to Butuan, kinahanglang moagi kini sa Doongan road ngadto na sa Langihan apan kung wala pa mag-abli ang terminal, kinahanglang anaa kini sa bisinidad sa Langihan. Sukwahi kini niadtong nadakpan ang ilang units diin dinha na kini sa may pribadong unibersidadsa sentrong bahin ning siyudad.
Gihimo pang rasonsa drayber nga pagarahe na sila dinhe sa Barangay Tiniwisan bisan og duna pa kini mga pasahero.
Lakip usab sa kalapasang nakomitar sa maong kooperatiba ang overcharging diin 15 pesos ang gisukot sa mga pasaherong gikan lamang may robinsons mall padulong sa siyudad nga unya 11 pesos lang.
Lakip sa giklaro ni Cassion ang pagpadala nila og show cause order ngadto sa Datsco human gi-abandona ang rota 13 ug sa may anticala.
Gikadismaya pa sa opisyal ang gelayong pagdangop sa ilang chairman sa third party aron makapasibaw sa ilang reklamo ug wala mideretso ngadto sa ilang buhatan nga maoy dapat nga buhaton ilabina kay duna silay reklamo diin pwede silang magduso og affidavit to protest.
Tungod niini, nalakbitan ni Cassion ang pagsugod palang sa kooperatiba diin sila ang naningkamot nga kini makabarug.
Nasayran nga ang opisyal mismo ang nanguna sa sunod-sunod nga operasyon diin muabot sa 26 ang na-isyuhan og citation tickets samtang 9 ang gidakop og gi-impound.
