BUTUAN CITY – Gipasidunggan ni Major General Franco Nemesio Gacal, ang commander of 4th Infantry “Diamond” Division, Philippine Army, ang napulo ka samrang mga sundalong nalandig sa Camp Evangelista Station Hospital sa Brgy. Patag, Cagayan de Oro City.
Usa-usa nga gita-uran ni MGen Gacal og Wounded Personnel Medal kon WPM ang usa ka opisyal ug siyam ka mga enlisted personnel tungod sa ilang gipakitang ka-isog ug pagkabayani samtang nagserbisyo sa katawhan sa mga rehiyon sa Northern Mindanao ug Caraga.
Apil sa mga WPM awardees sila 1LT Jobert Acut, Corporal Crisanto Acar, Corporal Joselito Arsenas, Corporal James Ylanan sa 65th Infantry “Stalwart” Battalion, 9th Infantry (Spear) Division kansa ubos sa operational control sa 4ID.
Na-angol sila samtang nakig-engkwentro batuk sa gibana-banang 20 ka mga sakop sa mga rebeldeng New People’s Army didto sa kabukiran sa Malaybalay City, Bukidnon niadtong Mayo 19.
Dako ang pagpasalamat ni 1Lt Acut, ang Ex-O sa Charlie Company, 65th IB ngadto sa liderato sa 4ID tungod sa gihatag kanilang dinali-ang medical support.
Ang ubang mga WPM awardees mao sila Staff Sergeant Aristio Ampoloquio, Corporal Nieljohn Arandela, Private First Classes Richard Tagunan, Jambie Patilan ug Private FVirgel Batle kinsa napusilan atol sa ila usab nga pakig-engkwentro sa mga grupong nanghulga samga sibilya ngadto sa area of responsibility sa 4th ID.
Nasayrang ang WPM itunol ngadto sa mga membro sa Armed Forces of the Philippines nga na-angol sa pakiggiyera sa mga kaaway sa gobyerno.
Ang maong mga angol nga sundalo, nakadawat usab og mga food packs ug mga vitamins alang sa paspas nilang recovery.
