BUTUAN CITY – Gitin-aw ni Captain Al Anthony Pueblas, ang Civil Military Operations (CMO) officer sa 4th Infantry ‘Diamond’ Division, Philippine Army nga ang pagkapatay sa 11 ka mga rebeldeng New People’s Army (NPA) sa Surigao del Sur, resulta sa lima ka sunod-sunod nga engkwentrong nagsugod niadtong Mayo 14 hangtud 19 ning tuiga.
Natigayon kini sa bukirang bahin sa Andap Valley gikan sa lungsod sa Lianga hangtud sa Tago tali sa mga tropa sa 401st Brigade ug sa wala pa masutang ihap sa mga manggugubat sa Northeastern Mindanao Regional Committee.
Dugang sa opisyal, upat sa mga napatay mga dagkong lider sa rebeldeng grupo nga apil sa narekober sa lima ka mga armas, 2 ka laptops, usa ka overhead projector, flash drives, external hard drives, 2 ka anti-personnel mines, hand grenades, bandoleers, nagkada-iyang klase sa mga bala ug mga magazines, handheld radios, personal belongings, nagkada-iyang mga food and medical supplies, ug mga subersibong dokumentong duna’y high tactical value.
Gitu-uhang apil sa mga namatay ay sina Myrna Sularte kinsa mas naila sa bansag nga “Ka Maria Malaya”, ang Secretary sa NEMRC ug Alvin Loque kon mas nailang si “Ka Joaquin Jacinto”, ang spokesperson sa Komisyun Mindanao (KOMMID) tungod kay sila matud pa ang tag-iya sa duha ka mga 2 laptop computers ug usa ka projector.
Present usab atol sa rngkwentro ang personal ug security staff ni Ka Maria Malaya nga sila Alfie Masinatao Basa kon Ka “Momoy”, ang Vice CO sa Regional Headquarters (RHQ), NEMRC, ug Lorna Pamutongan Gomez o Ka “Momay”, ang Medical Staff sa RHQ, NEMRC.
