BUTUAN CITY – Nailog sa militar ang kampo sa mga rebeldeng New People’s Army kon NPA nga kayang mu-akomodar og 40 ka mga tawo didto sa Sitio Kiskis, Brgy Siagao, San Miguel, Surigao del Sur human ang 45-minutos nga engkwentrong miresulta sa pagpanibat sa mga rebelde ngadto sa managlahing direksyon.
Ang maong hitabo miresulta sa pagkamatay sa usa nila ka ka-uban nga ila na lang gibiyaan kinsa membro sa Eastern Mindanao Regional Committee (NEMRC) ilawom kang Ka Salem ingon man pagkarekober sa tag-duha ka mga AK47 rifles, Improvised Explosive Devices (IEDs), nagkada-iyang war materiels ug medical supplies.
Sigon ni Brigadier General Maurito Licudine, Commander sa 402nd Brigade, Philippine Army, resulta kini sa sunod-sunod nilang engkwentro nga nagsugod niadtong Lunes didto sa Area Katarugan, Cabangahan, Cantilan, sa susamang lalawigan nga miresulta usab sa pagkamatay sa usa ka rebeldeng membro sa Sandatahang Yunit Pampropaganda (SYP) 16C1, Guerilla Front (GF16), NEMRC ilawom kang Ka Jacob ug pagkarekober sa usa ka AK47 rifle
