BUTUAN CITY – Gitaho sa Department of Health kon DOH-Caraga kagabie ang usa ka bag-ong kaso sa coronavirus disease 2019 nga natala sa rehiyon. Kini ang usa ka 37 anyos nga babaeng health worker sa Caraga Regional Hospital (CRH) sa Surigao City.
Kini human madawat sa buhatan ang resulta sa RT-PCR results gikan sa Southern Philippines Medical Center (SPMC).
Madumdumang isip parte sa hospital protocols , tanang health workers obligado nga mupailalom sa isitrikto nga facility quarantine adiser makabalik og trabaho sa osipital.
Nagpabiling asymptomatic ang maong health workers human ang 14 ka adlaw nga istriktong pagkwarantina.
Apan karon gi-admit na kini sa nasangpit nga pasilidad alang sa obserbasyon, monitoring ug follow-up test.
Gihimo na usab sa kadumalahan ang contact tracing sa mga nakahugoy-hugoy sa maong health worker.
Samtang , gikataho usab sa sa maong buhatan ang RT-PCR laboratory results sa 15 ka mga suspect case kansa nasutang negatibo sa coronavirus disease.
Ang maong mga negative suspect patients na-admit sa Butuan Doctors’ Hospital, Butuan Medical Center-Annex, D.O. Plaza Memorial Hospital, Manuel J. Santos Hospital, Nasipit District Hospital, ug Caraga Regional Hospital.
Gikataho usab nga nagnegatibo sa covid19 an usa sa ka probable case nga natala sa Agusa del Sur.
Sa kasamtangn, nakatala na ang rehiyon og kinatibuk-ang 4 ka kumpirmadong kaso sa sakit kansa ang unang tulo niini na-discharged na ug hingpit nang naka-recover.
