BUTUAN CITY – Nangandam na ang mga personahe sa Land Transportation, Traffic and Management Office kon LTTMO-Butuan alang sa nagsingabot nga Kahimunan Festival Enero 19.
Sigon ni PMaj Peter Paul Manatad hepe sa LTTMO sa pakigihinabi sa Bombo Radyo Butuan nga nag-alayon ang nagkada-iyang buhatan sa City Hall aron masiguro ang kaluwasan ug mu-assist sa mga taw’ng mudagsa sa selebrasyon uban sa 65 ka mga indibidwal gikan sa ilang buhatan nga mu-abag sa maong kalihukan.
Gipadayag usab sa opisyal nga sirad-an ang mga nag-unang kadalanan nga sugdan sa alas 12 hantod alas 5 sa hapon ilabina sa intersection sa JC Aquino ug J. Rosales Avenues ingon man ngadto sa Libertad Overpass dungan sa pagpaniguro nga dunay ibutang nga mga signages aron mugiya sa mga motorista.
Dugang pa ni Manatad, alas-3 palang sa buntag i-deploy na ang mga personahe niini ngadto sa ilang tagsa-tagsa ka nga area.
