BUTUAN CITY – Gikumpirma ni Captain Edwin Leo Francisco – ang Civil Military Operations kon CMO officer sa 75th Infantry ‘Marauder’ Battalion, Philippine Army nga na-dsimantle na sa tropa sa gobyerno ang Guerilla Front 14 sa rebeldeng grupong Communist Party of the Philippines-New People’s Army kon CPP-NPA.
Sa eksklusibong pakighinabi sa Bombo Radyo Butuan, gipadayag sa opisyal nga ang pag-dismantle na nila sa maong grupo hatud sa pagdani sa mga nanurender nga kanhi miyembro niini ngadto sa ilang mga ka-ubanan og mga kabanay nga musunod kanila.
Nasayrang kagahapon atol sa pagsa-ulog sa ika-51 nga anibersaryo sa Communist Party of the Philippines kon CPP, tulo ka mga rebelde ang mitahan sa maong brigade bitbit ang ilang mga high-powered firearms.
Duha niini ang magti-ayong nailang sila alyas Jun ug alyas Ursula nga parehong sakop sa Guerrilla Front 19 kon GF19 ug alyas Jean sa Guerrilla Front 30 kon GF30, pulos sakop sa North Eastern Mindanao Regional Committee.
Apil sa ilang gibitbit ang us aka M16AI Rifle nga duna’y usa ka taas nga steel magazine nga loaded sa 28 ka mga buhing bala, usa ka Norinco AK47 Rifle nga duna’y usa ka magazine nga loaded sa 29 ka rounds sa mga bala ug usa ka Norinco AK47 Rifle nga duna’y magazine nga loaded sa 29 ka mga rounds sa bala.
Ang pagpanglingla matud pa sa mga rebeldeng nag-recruit kanila ang hinungdan sa ilang pagsurender tungod sa kawala’y nahatag niini nga kaayuhan ngadto kanila ug sa ilang pamilya gawas sa kakapoy sa pagdagan-dagan sa kabukiran ingon man sa kagubot.
