BUTUAN CITY – Gitudlong tungod sa community support program kon CSP sa gobyerno, nahigmata sa kamatooran og mitahan ang usa ka team leader sa New People’s Army kon NPA ngadto sa 3rd Special Forces Battalion, Philippine Army sa nakalabay nga adlaw.
Naila ang maong kanhe rebelde nga si Alyas Regan, 22-anyos nga residente sa San Miguel, Surigao Del Sur kansa team leader sa Sandatahang Yunit Pampropaganda kon SYP-Lumad sa Guerilla Front 19A, Northeastern Mindanao Regional Committee kon NEMRC.
Bitbit ni Alyas Regan sa iyang pagsurender ang usa ka M16A1 rifle nga dunay 40mm M203 grenade launcher og nagkalain-laing mga gamit pang-giyera.
Sumala pa sa kanhe rebelde, tungod sa pagpahibalo sa community support program mahitungod sa pagpanglingla sa NPA, nahigmata siya ug nagbasol nga mosampa sa kalihukan human na-reyalisar nga pag-usik-usik lang kini sa iyang panahon.
