BUTUAN CITY – Narekober sa mga element sa 36th Infantry Battalion, Philippine Army ang lain na usab nga kampo sa teroristang CPP-NPA sa Sitio Suba, Brgy Mabuhay, Tandag City, Surigao del Sur niadtong nakalabay nga mga adlaw.
Ang nasangpit nga kampo gibana-banang muabot sa 50×100 square meters ug kayang mo-akomodar sa dili moubos 50 kan miyembro. Gitoohang pipila ka adlaw nang gi-abandona ang maong tago-anan.
Human sa ma-ampingon nga pagsuhid sa lugar, narekober sa tropa sa kagamhanan ang duha ka anti-personnel mines nga dunay 50 metros nga wire, tungag sako nga bugas og mga personal nga mga gamit.
Mas gipahugtan pa sa 402nd Brigade ang kampanya kontra CPP-NPA Terrorist sa mga hilit nga barangay tungod sa apela sa katawhan nga segurohon ang kalinaw ug seguridad aron sa ingon magpadayon ang gipaningkamutang kalinaw og kalambisan sa ilang kumunidad.
Sukad niadtong Enero 2019, ang Stingers Brigade nakakumpiska sa 57 ka kampo atol sa engkuwentro ug security patrols diin halos tanan niini gitug-an sa mga sibilyang residente.
