3 ka heavy equipment, gisunog sa rebeldeng NPA sa Surigao del Norte

BUTUAN CITY – Padayon pang gisuta ang kinatibuk-ang damyos sa gisunog nga mga dagkong ekwepo kagahapon sa alas 12:00 sa udto sa may Brgy. Campo, lungsod sa Bacuag, Surigao del Norte.

Sigon ni Police Lt. Col. Rudy Elandag, Commander sa 2^nd  Mobile Force Company sa Surigao del Norte, apil sa gisunog ang usa ka backhoe rason sa pagka-partially damaged niini ug duha ka dumptrucks nga parehong gipanag-iyahan sa CTB Construction.

Gitu-uhang ang rebeldeng grupong New People’s Army kon NPA ang responsable sa maong pagpanunog ug apil sa anggulong ilang gitutukan ang wala paghatag sa management sa maong kompanya og revolutionary tax ngadto sa maong grupo.