BUTUAN CITY – Nga-nga ang mga tawo sa Boracay Island dihang nakita ang babayeng turista nga nagsuot lang og bikini strip kondiin daw ang hiwa na lang sa iyang kinatawo ang natabunan.
Wala niya mamatikdi ang mga tawong mikuha kaniya og hulagway samtang kamulo siya og selfie sa iyang kaugalingon.
Dismayado ang pipila ka mga turista ug mga residente sa nag-viral nga hulagway niini kondiin gibutyag sa pipila nga unta duna usa’y limitasyon ang pagsuot og swimwear sa Boracay tungod kay dili kini exclusive nga isla ug daghan ang manulod nga mga turista.
Nasubay sa Boracay Inter Agency Task Force ug sa kapulisan ang nag-viral nga turistang babaye sa social media ka-uban ang iyang hinigugma.
Gikumpirma ni Boracay Inter-Agency Rehabilitation Management Group (BIARMG) general manager Natividad Bernardino nga ang maong langyaw, usa ka Taiwanese kinsa nakalapas sa Municipal Ordinance No. 203 series of 2003 tungod sa gisuot niining mini bikini strip kon gamay ng tela na lang ang mitabon sa iyang kinatawo samtang naglakaw sa front beach sa Station 1.
Gipasabot matud pa sa langyaw nga “form of self expression” lang ang ilang gihimo ug mubalik na sa ilang nasud karong adlawa human ang pila ka adlaw nga bakasyon sa Boracay.
