BUTUAN CITY – Mag-atubang og upat ka ihap sa kasong murder ang nadakpang lalaking gitudlong mimasaker sa pamilya sa iyang igsoon nga miresulta pagkamatay sa upat ka mga membro sa pamilya Ravelo.
Naila ang mga biktimang sila Rogelio Ravelo, kanhi overseas Filipino worker, uban sa asawa niining si Alfonsita ingon man ilang mga anak nga nag-edad pa lang og 9 og 3-anyos pulos residente sa Sitio Gapas-Gapas, Brgy. San Pedro, lungsod sa Cantilan, Surigao del Sur.
Sigon ni Cantilan Municipal Chief of Police Captain Ferdinand Tavares, ang suspek mao ang igsoon sa asawang biktima nailang si Alex Roales kinsa duna matud pa’y deperensya sa pangisip.
Migawas sa ilang inisyal nga imbestigasyon nga away sa yuta og utang ang posibleng motibo sa kremin.
Sa kasamtangan, makonsidera nang sirado na ang maong kaso tungod kay nadakpan man kini sa kapulisan dihang musibat na unta gikan sa iyang pinuy-anan.
