BUTUAN CITY – Padayon pang gi-ila ang usa ka rebeldeng New People’s Army kon NPA nga napatay atol sa engkwentro sa bukirang bahin sa Brgy. Segunda, lungsod sa Esperanza, Agusan del Sur ning mi-aging mga adlaw.
Sigon ni Lt.Col. Francisco Molina Jr, commanding officer sa 23rd Infantry Battalion, Philippine Army, laing usa usab ka rebelde ang ilang nadakpan samtang ubay-ubay nga mga war materials ang ilang narekober sa sunod-sunod nga mga engkwentrong natigayon tali sa ilang tropa ug sa mga sakop sa Guerilla Front 88 sa North Central Mindanao Regional Committee kon NCMRC.
Apil sa mga narekober ang usa ka kalibre .22 rifle; usa ka anti-personnel mine; ug 20-metros nga electrical wire. Natigayon ang engkwentro human misumbong ang mga sibilyan kalabot sa armadong mga lalaking naglusad og teach-in ug indoctrinatio sa maong lugar.
