BUTUAN CITY – Sangko sa langit ang kalipay sa usa ka overseas Filipino worker kon OFW composer nga nakabase karon sa Amerika human nga nagsilbing birthday gift sa kahitas-an ang pagtubag sa iyang pag-ampo nga makasulod sa 12 finalist sa BMF 2020 ang iyang entry nga “Mahirap gumawa ng kanta”.
Sumala ni Edwin Dimaculangan nga nakabase sa West Corina, California, United States of America, ang iyang komposisyon nga wala mahuman tungod sa pipila ka rason, ang iyang gikuhaan ug ideya sa iyang kantang “Mahirap gumawa ng kanta”, nga partially matod pa mahitungod sa iyang kinabuhi.
Gi-angkon ni Edwin nga lisud maghimo ug kanta ilabina kung duna kay problema, kalibog ug niadtong gibiyaan siya sa iyang hinigugma.
Tungod sa iyang kahilig nga mu-apil sa mga kompetisyon sa song writing hinungdan nga nag-search siya sa internet ug song writing competition in the Philippines diin unang nakakuha sa iyang atensyon ang Bombo Music Festival sa Bombo Radyo.
Gi-angkon sa composer nga duna siyay laing entry, ang daan niyang komposisyon nga wala nahuman apan tungod sa kawalay inspirasyon naglisud na siya sa pagsulat hinungdan nga nigama nalang siya ug laing kanta nga maoy gikatakdang i-perform sa iyang na-hire nga interpreter sunod tuig ug gani gipabati pa ug sample si Edwin sa iyang komposisyon.
Sa pikas bahin gikabutyag sa composer nga magsumite na siya ug leave sa iyang trabaho ug mag book ug plane ticket para sa grand performance night karong Enero 2020 sa Iloilo City.
