BUTUAN CITY – Miresulta sa pagkamatay sa usa ka rebelding NPA og laing usa pa ang nadakpan samtang daghang mga gamit pang-giyera ang narekober human sa sunod-sunod ngsa engkuwentro tali sa tropa sa 23rd Infantry Battalion, Philippine Army ug CPP-NPA terrorists niadtong Agusto 29, 2019, sa Brgy Segunda, Municipalitidad sa Esperanza, Agusan del Sur.
Na-engkuwentro sa 23IB ang dili moubos sa 5 ka CPP-NPA terrorists nga gitoohang miyembro sa Guerilla Front 88 sa North Central Mindanao Regional Committee (NCMRC) sa bukirang parte nsa Brgy Segunda sa maong lungsod mga alas 9:40 sa buntag human gitaho sa mga sibilyan ang presensiya sa armadong kalalakin-an nga nag-doktrina.
Sigon ni Lt Col Francisco Molina Jr, 23IB Commanding Officer, human sa 5 ka minute nga pagbinayloay ug bala nakaplagan sa tropa ang patay’ng lawas sa rebelde ug nadakpan ang laing usa pa human napalibotan ang lugar.
Narekober usab (1) .22 caliber rifle; usa ka (1) anti-personnel mine; ug 20 metros nga electrical wire sa encounter site.
Pagdangat sa alas 5:10 sa hapon sa samang adlaw, miresulta sa 25 minutos nga engkuwentro ang gilusad nga pursuit operation sa Brgy Segunda diin naka-agbat ang 10 ka rebelde.
Wala nahimong casualty sa panig sa gobyerno samtang padayong gidetermina sa walhong grupo.
Apan narekober sa maong panag-agbat ang usa ka AK-47 rifle, usa ka cal. 22 rifle ug nagkadaiyang war materiel sama sa 18 ka magazines sa AK-47 rifle; 2-mil nga bala sa 7.62mm para sa AK-47 rifle; 500 ka bala sa M16 rifle; 3 ka bandoleers; 19- ka ponchos, 2 ka cellphones nga dunay SIM cards; usa ka medicine kit; usa ka kilo sa ammonium nitrate; ug mga subsersibong document.
Ang patay’ng lawas sa NPA gi-turned over sa LGU sa Esperanza samtang ang nadakpan gibilanggo sa Esperanza Municipal Police Station alang sa tukmang disposisyon.
