BUTUAN CITY – Pangunahan mismo nila Department of Environment and Natural Resources kon DENR Secretary Roy Cimatu og Department of Interior and Local Government kon DILG Sec. Eduardo Año ang pag-demolish sa kapin 200 ka mga establisamiento sa Siargao Island nga nakalapas sa Environmental Law sa nasud.
Sa esklusibong pakighinabi sa Bombo Radyo Butuan, gipadayag ni DENR-Caraga information officer Eric Gallego nga sugdan karong adlawa ang demolisyon sa maong mga establisamiento tungod sa ilang paglapas sa gipatumang 25-meter easement zone gikan sa baybayon atol sa ta-ub padulong ngadto sa ilang establiamiento.
Mahinumdumang niadtong Mayo, mi-abot sa kapin usa ka libo ka mga establisamiento sa nasangpit nga tourist spot ang nasusi sa Task Force Siargao sa ilang gilusad nga evaluation og assessment.
Gihimo kini aron dili masusama sa Boracay Island ang Siargao nga gipasira sulod sa unom ka buwan tungod sa kahugaw.
Dugang ni Gallego, ka-abag sa maong demolition job si DENR-Caraga Regional Director Felix Alicer.
