BUTUAN CITY – Nakumpiska sa tropa sa kagamhanann pinaagi sa 3rd Special Forces ‘Arrowhead’ Battalion, Philippine Army ang usa ka M60 General- purpose Machine Gun atol sa bag-ohay palang nga engkuwentron batuk sa New People’s Army sa bukirang parte sa Sitio Tibog, Barangay Mabuhay, Bayugan, Agusan Del Sur sa nakalabay nga mga adlaw.
Sa nagpadayong clearing operations sa military sa ika-napulo ka adlaw, laing engkuwentro na usab ang natigayon sa alas 11:00 sa buntag batuk sa 15 ka rebelding NPA nga gipangunahan ni Rizaldo Sumunod alias Mansoy nga miresula sa pagkarekober sa usa ka Light Machine Gun, 3 ka kalibre 45 nga pistola, usa ka granada, unom ka magazines sa M16 nga puno sa buhing bala, tulo ka magazines sa kalibre 45 nga puno sab ala, 200 ka buhing mga bala sa M60 machine gun, 260 ka buhing bala sa M16 armalite rifle, 20 ka bala sa kalibre 45 nga pistola, usa ka video camera, usa ka commercial radio, duha ka cellular phones, medical supplies, lima ka backpacks nga dunay personal nga mga gamit, subersibonge dokomento, demolition set lakip na ang usa ka soldiering iron nga dunay lead, duha ka boxes sa detonating switch, tulo ka rubber antennas, usa ka tool set ug 50-metros nga wire.
Nailog usab sa tropa ang hideout sa kalaban nga kayang mo-akamodar ngadto sa 20 ka mga tawo, human ang 8 ka minuto nga giyera.
Sigon ni Lieutenant Colonel Joey Baybayan, Commanding Officer sa 3rd Special Forces ‘Arrowhead’ Battalion, Philippine Army, nagpadayon ang pursuit operations batuk sa nanagan nga mga terorista.
Sa laing bahin, gibutyag usab ni Colonel Allan Hambala, Commander sa 401st Infantry Brigade nga ang malampusong security operation tungod sa hiniusang paningkamot ngadto sa mga kanhe miyembro sa NPA, kansa padayon nga mihatag ug impormasyon mahitungod sa mga kampo sa NPA.
